¿Imaynatataq Turpopi niñuchanta raymichanku?, Chaymi kay raymichakuyqa apakun iskay anta situwa killapi kay Turpo llaqtapi, chaypaqmi sapa wata karquyuqkuna yaykunku iskay, utaq kimsahina, ichaqa kay raymichakuyqa ñawpaqmantarq apakurqa.

Kimsa chunka hukniyuq punchay anta situwa killapi ruwaykunata qallarinku, hinaspa chay punchaw tuta tutallamanta kawalluwan, asnuwan illanku “Chayansa” qatusman chitata, llamata nakamunku hinaman kawallukunaman churkumunku , chaymi runakuna rin, llama aychata, chita aychata, papata apamuq chaypis kuchitawan qatimunku, chaymantataq rinku runakuna arpata tawtinta apaykukuspa waqachinankupaq.

Qatusmansi chaypas apantaqmi upyanankupaq qatqikunata, kukata chapchanankupaq hinaspa paqapa ruwanankupaq, pitanata sichus mana paqapata ruwankuchu hinaptinqa manas allinchu kutimunmanku, imapas karunmansi, chaymanta qanaymanta takiwan kutimunku Turpo llaqtaman; kutimuyninñataqmi iskay pacha, allin karuta purimunku, chay aycha apamuqmanmi runakuna suyanku “tikapatapi” aqakunawan hinallataq qatqikunawan chaymanta karquyuqpa wasinman tusuykustin qamunku.

Karquyuqpa wasinman chayaramuptinkuqa, qarikuna aycha apamusqankuta chustiyta qallarinku, warmikunañataq papata pilayta qallarinku, wakin warmikuna moteta yanunku paqarinnipaq. Huk punchaw anta sitwa killa chayaramuptinmi kimsa pachak achikyayninmanta yanuyta qallarinku, ayllukunapaq, huklaw llaqtamanta runa qamuqkunapaq, chaymantaña pusaq pachata karquyupqa iñina wasita rinku misa uyariq, chaypi huk chaskikuq yaykun watapaq,

Chaynatan raymichanku Niño Jesús Turpotaqa sumaqta, kusikuywan ruwanku, taytachapa siminta misapi uyarispa, lliw runakunan mañakunku quchanta pampachananpaq, hinallataq, kay niñochaqa allin runachan yanapanmi lliw kuyaqkunata, chayraykun añanchanku kay santuchanpaq qurqumunku qawapin purichinku qipanta wikriqkuna, runakuna qatinku, chayna lliw plazata muyurinku, hinaman tusuqkunan; misa tukuyta kutimunku wasinman, chaymantaqa chawpi punchawta mikunankupaq llapan quñuykanakunku, chaypi yanunku pikantikukunata, patachi lawata; mikuyta tukurutinñataqmi runakuna upyayta qallarinku hinaspa puririmunku ñannintakama, tusuykustin chaymanta takiyku karquyuqpa wasinman.

Panpamtakama chayaramuspanku yaykunku turu pukllananman, chaypi tusunku, chay ukumanta lluqsiramuptinkuñataqmi, turu qallarin pukllayta, pukllachiqtan waqran, chisinpay pachakaman pukllachinku; chaykama huklawninpiqa karquyuqkunaqa tusuykuchkanku chisinpaykama, chaymantaqa rinku chaypituta karquyuqpa wasinman upyaykustin.

Chaytaq paqarisnin iskay anta sitwa chayarqamuptin huk karquyuqña ruwan, paykunapas misata ruwachikunku hukña yaykunanpaq, chaymanta Niño urqumuy ruwanku,n chay tukuytañataq wasinkuman rispanku mikuyninkuta qaywanakunku hinaspa tusustin takistin panpaman qamunku chayna chisinpaykama tusunku upyaykustin.

Minchanta tukunapaqtaq iskaynin karquyuqkuna quñuykanakunku pampapi hinaspa tusuykunku chawpi punchawkama, tukunanpaqtaq turu, pukllaykun, hinaspa tukuruptinmi warakanku, “waywarinqa” lawman qarqunku, takiqkunawan hinallataq arpa tawtinchawan; wakapa, turupa ñawpaqninta waqra pukukuna ñawpanku, hanay tankarpatakama qatinku chaymantataqmi waka, turu kikillankumantaña illarikunku kunkanpi sillwiyuqkuna “Chayansa” qatusman.

Kunankama kay raymichakuymi manaraqmi chinkanchu aswanmi, huklawmanta runakuna ñawpaqman puririchichkanku watan watan kay raymichakuyta.

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí