27 Aymuray killapim, Perú suyunchikpa 48 runa siminkunapa punchawninta ancha kusikuywan yuyarinchik, chaymi ñuqanchik ayllunchikmanta hinallataq yachay wasinchikmantapas kawsarichinanchik.
Ichaqa kunan punchawkunaqa 21 rimaykunam chinkachkanña, chayna kaptinqa manan chay rimayllachu wañunqa, paywanmi wañunqa llapan yachaykuna, hinallataq sumaq kawsayninku, chaymi ñuqanchikpa makinchikpi hinallataq siminchikpi tarikun chay llapallan rimaykuna kawsarichiyninchik.
Kay pachaqa tiqsi muyunchik sasachukuypi tarikun COVID -19 unquy chiqirisqan rayku, chaymi llapallan amawtakuna karumanta llamkaspanku ñakarichkanku.
Chay raykun Instituto de Educación Superior Pedagógico Público «José María Arguedas» hatun yachaywasinchik Antawaylla llaqtanchikmanta, umalliqninwan Lic. Aníbal Martínez Parra hinallataq llapallan amawtakunawan qispirachinku aula virtual nisqanta qichwa siminchikpi, chaymanta pachan yachapakuqkuna, tinkuykunata, chaninchaykunata, hinallataq tukuy ima yachayninkuta qispichichkanku kay sincrónico y asincrónico llamkaywan, qichwa siminchik ñawpaqman puririnampaq, imaynatam tiqsi muyunchik mañakamusqanman hina.
Chaynayá llapallanchik kayna llamkaykunaman churapakamusun, runa siminchikkuna rayku.
¡KAWSACHUN RUNA SIMINCHIK!
El 27 de mayo se conmemora el Día de las Lenguas Originarias del Perú. La finalidad de esta celebración es fomentar el uso, preservación, desarrollo, recuperación y difusión de las lenguas originarias en su calidad de patrimonio cultural inmaterial.

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí