YAKUTAQA QUYKANAKUNAN

0
176
Escribe: Carlos Arévalo

Warmi yachaqmi willakun kaynata; taksac warmacha kaspaymi tiyarqani wankas llaqtapi, chaysi ancha llakipaq kaypi runakunaqa kawsarqaku, yakus mana aypasqachu lliw runakunapaq kimsa pukyuchakunas kasqa chaymansi llapa runa tuta tutaraq llallinakuspa yakumanqa risqaku, aypaqninqa kusisqa yaku qipiykusqa kutimusqa wasinkuman, wakin qipa riqkunañataq llakisqa kutimusqaku wasinman; uywakuna yaku upyananpaqpas para yakutam quchachirqaku.
Chay sasachakuypi tiyaspankus umalliqkuna qawarispanku asuykusqaku Puywalla llaqtaman, umalliqkunawam parlaq risqaku, paykunapan achka yakunku kaptin,, llaqtamasiykunan achkakama kutipayachkaptinku kay runamasiyku nirparinku apaychikya nirparinku kusikuypaq.
Chayta yacharuspa lliw runakuna wankaspi llapallanku yakupa ñanninta ruwaq rinku mikarikuspanku: Paququchata, urachallanpin ñawin kachkan chaymanmi runakunaqa kutitikraykurqa sapa pumchaw mikunachankuta qipiykukuspa hinallataq pikuchankuta wikriykuspa. yakuta churanankupaqmi tukuy karuta tuquta uchkuykunku.
Uchuqasa muqunta, wiskachayuq nisqanta, waychirka qatanta, Illawasipa haltun muyupatanta, chilkakunka pampanta, wamanpichqu kinrayta, tankarpata urayta, wankaspanpanta haltu Ayapata muquman chayachinku chaypi huk reservorio nisqanta churanku,chaymanta llapan wasiman yaku chayananpaq. Hinallataq tukuy uchku ruwamusqankuta kutispanku tubokunata panpamunku uñullapi ruwayta tukuruspanku ancha kusikuymanta llapan runa raymita ruwanku miski mikunawan, aqakunawan hinallataq tinya lawtakunawan takiyta tusuyta qallaykunku; yachasqanchikmanhina chay punchawmanta mana anchata runakuna ñakarinchu yakumanta hinallataq manan usuchinkuchu aswan sumaqta uywanku yakunkuta kuyaspa, sapa wata ñawininkama rispanku sumaqta hatipamunku yakunkutaqa.
Kay uchuy suyuchakunapiqa, allin uywanakuypin yakutaqa quykanakuna, lliw runa yakuta upiyananpaq, qali kawsaypi tiyanankupaq.

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí

*