Tayta urqu

0
784

Chaypis tiyakusqaku huk ayllu, chay ayllupas kasqa kuk qari churin y huk warmi wawan, ichaqa warmi wawan qariyarukusqaña hinaptinsi paypaqa kasqa achka uywan, turinñataq kasqa michipakuqlla, chaysi huk punchaw turinqa nin panintaqa.
-paniy manachu huk uywachata sapakamachamanta huykuwankiman, ñuqapas uywakunaypaq.
Paninqa kutichinsi kaynanispa.
-ima qapisunki aliintachu yuyaymanachkanki icha manachu, yachasqaykimanhina manam achkachu uywankuna, achka kaptincha quykimanpas nispa kutichisqa. hinaptinsi turinqa llakisqa qipasqa haykaqraq ñuqapa uyway kapuwanqa nispa; chayta yuyaymanaspas purisqa uywakunapa qipanpi michipakuspa.
Huk punchawsi turinqa qatirusqa uywakunata urquysiq chaypis payqa michisqa llaki lakillaña mana paypa uywan kaptin, chayna kachkaptinsi urqutayta hipanmanta rimariykarqamun.
-yaw runa imamantataq llakisqa kachkanki. Runaqa mancharikunsi.
-pitaq chayri rimapayamuwachkan, hinaspas qawakacharikun kaylawta waklayta manas pipas kanchu, hinaspas tiyakun; hinaptinsi urquqa rimapayamun huktawan.
– willaway llakikita ñuqa yanapasqayki nispa runachaqa qawarikunsi qipata chaysi kachkasqa huk punku; chaymanta huktawan rimapayamun, asuykamuy kay punkuman, hinaptinsi punkuqa kicharirqukun chaypis urquqa nin yaykumuy nispa runachataqa maychakuyllawansi yaykuykun urqumanqa, chay yaykuruptinsi, tayta urquqa nin, tiyay hinaspa willaway llakikita chaysi runaqa tiyaspa llakinta willarin, ñuqapan kan paniy paypam achka uywankuna hinaptinmi mañakurqani uywachanta uywakunaypaq, hinaptinmi mana quykuwanchu chaymi llakisqa kachkani, chayllaman urquqa nin ama llakikuychu ñuqam qusqayki llapa mañawasqaykita, mañakamuway hinaptinsi runachaqa mañakuyta qallaykun wakata, kawalluta chitata, llamata. Hukchallatas urqutaytaqa churaykapun llapa chay uymakunata llallaypampa quntata, hinaspas urqutayta nin kananmantan amaña llakisqachu purinki churapuchkaykin uywaykikunata hinallataqmi runamasikiwan quykanakunki, mana piñachinakuspa; chaynata nispas urqutayta kachaykachin runataqa llapa uywayuqta, chisinpaytas runaqa wasinmanqa kutiripamun llapa uywata qatisqas, chaypis paninqa qawarin wasinmanta hinaspas nin mamanta ¿turiyri suwarakamun llapa uywatari? turiyqa qaykuykamun llapa uywata mamanpa wasinman kusisqallaña.
Chaysi paninqa tapun maymantam aparamunki, pipatam suwarakamunki, nispa nin piñallaña, hinaptinsi turinqa willakun urqu taytan huykamuwan, ichaqa manas willakusqanta uyarinchu, llulla, ninsi, hinaspas umanpiqa kutichin maypis urqutayta quramunqa kaychikasunta chaytaqa llullakuwachkankin.
Huk punchawsi paninqa sumaqllata asuykurun turinmanqa, chaypis nin yaw ñuqatawan chayarachiway chay urqutaytapa qayllanman nispa, hinaptinsi turinqa nin allinmi qam munaptikiqa aparusayki tayta urquta risqirachimusayki nispa, chaysi paninqa nin qakuchikya, runaqa chayaykachinsi qaqa sikiman chaypis, urquqa rimarin imallatan munanki paninqa rimarin tayta urqu nuñapapas manam kanchu uywaykuma astawanya quykuway nispa, urqutaytaqa punkuta kichaspas nin yaykumuy, warmiqa kusisqallaña yaykurun urqu ukuman chaypis urquqa nin tiyakuy, hinaspa mañakamuy imakunatam munayki nispa, warmillaqa mañakuytas qallaykun, munani acha wakata, kawalluta, chitata, llamata nispa, chaysi urqutaytaqa nin uyarirunim mañakusqaykita, qanmi karaqanki mana imapas qukuq manan pimanpas uywaykikunata qukurankichu, chaymi ñuqa kanan qusqayki achka waqrata nispa, churaykapamun llapa umanman, chaysi paninqa lluqsiramun urqukumanta antarallaña waqrayuq mancharikuypas runaqa chayta qawaykuspas satillaña pasatakamun.

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí