QURIPAQCHA

0
183

Wankawillka llaqtaypi, San Critobal suyupi tarikun pukyu Quripaqcha sutiyuq, chaymantam suma samaq chuya yaku lluqsimun qaqa ukunmanta, upyaykuptikiqa tanichikunmi yakunayaykitapas.
Achka watakunamantaraqmi muqu ayllukunaqa qawanku kay yakuchataqa quriqinata, llapa ima ruwanninkunata qallaykunankupaqa kay kawsaywanmi anqusakunkuraq, sumaq kawsayninku qispimunanpaq, uywankuna mirananpaq.
Quripaqcha sutiqa runasiminchikpiqa, miski chuya yaku chaninchayuq, yachaqkunaqa willakunku kay yakumantaqa hatun manchakuywanmi kaynata nispa, upyaptikichikqa ñawinmantapuni miskillañam, qinallataq allinta kawsarichisunki, wakinñataq warmipa illanmi ninku.
Kay apunchik Quripaqchqa, muqu runapaqa kawsaq paqarinam, chaymi paykunaqa kay yakuta wisispanku anqusakunku mamapachanchikta saminchanankupaq, chayman qinalla tarpuptinku allin kawsaykuna qispimunanpaq, hinallataq uywankuna achkallaña mirananpaq.
Kay watakunaqa, manañam paqarina Quripaqchataqa qawankuñachu sumaq kawsaytahina, qalapa hukman yachayninkutañam ruwanku, hinallataqmi manaña kanchu sumaq kawsay, nitaqmi waqaychankupasñachu pachamamanchikwan, chayman hinalla runamasinchikkuna ñawpaqta awilunchikunapa yachaykunata qunqarunkuña, manañam yachanchikñachu yakunchikta sumaqta waqaychayta, nitaqmi allintañachu yakutaqa uywanchik. qamuqkunaqa kay apu Quripaqchanchikqa rumi hinallatañachik qawanqaku manaña apunchik hinatañachu.
Kunanqa ninchikman Apu Quripaqchataqa «Illam» hinallataqmi «paqarina» ¿imaynampi? Kaynapi, paymanta sumaq chuya yaku lluqsimuptin, quwanchitaqmi sumaq kawsayta upiyaptinchik, kay yachaykunatam hamutachinanchik wawanchikunata, paykunapas wawankuta yachachinampaq apunchikta hatun manchakuywan qawanankupaq.

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí

*