Ancha munasqay Antawaylla, Perú suyu llaqtamasiykuna, hinallataq tiqsimuyuntinpi inka yachaypa simin rimaq runamasikuna, kunan punchaymi iskay chunka qanchisniyuq aymuray killapin, kuraq kamachiq qillqa maytu chaninchasqan ley N°21156-75 hina riqsisqa, sumaq raymi apakun»Runa simipa punchawnin».
Perú suyu llaqtapin tawa chunka qanchisniyuq rimaykunaraq puririchkan, kaymantañataqmi iskay chunka hukniyuq rimaykuna chinkachkanman, kaynanpaman qulluyta qallariptinqa tukuy ima takiyninchikuna, tusuyninchikuna, rimanakuyninchikuna chinkanqa. Chaynallataqmi Quechua simi nisqan, Aymara simi nisqan anchata sapincharukunku, Perú suyu llaqtanchik ukupi (Apurímac, Huancavelica, Puno y Ayacucho)
Tukuy rimayninchikunata ñawpaqman puririchisun chulla runa hinalla, qipa irqi warmakunatapas, wayna sipaskunatas, wayna qarikunata yachachisun imayna kawsayninchikta, imayna rimayninchikta, imayna takiyninchikta, imayna tusuyninckikta mana pinqakuspa. Hinallataq yuyaymanaykunata qillqasun, inaspa apachisun kamachikuykunata tasa suyuman y hatun suyuman allinta yanapaspa chaninchanankupaq umallinchikuna.
Quechua simipa punchawllampi sapakamayá wasinchikpi yuyaymanasun, hinaspa taripasun sumaq rimayninchikunata ayllunchikunawan kuska, tayta mamaychikwan, irqi warmanchikunawan, takina kaptinqa takirukusun, llapanchik quñulla chulla ayllu hina.
Chinkarichkanmi wakin llaqtakunapi kay sumaq rimayninchikuna, amaya sasachakuyman puririchisunchu kay miski rimayninchikta. Ama qunqasunchu laqtamasillay, qampa makikipin kachkan kay sumaq rimayninchikuna hinallayá mastarisunchik Perú suyu ukupi chaynallataq tiqsimuyu ukupi. ¡Sumaq punchaw kachun sumaq rimayninchikuna!
«Chaska ñawi sipas»
(Harawi)
Suma sumaq Chaska ñawi sipas,
Sunquytam suwaruwanki
Manan mikuypas, puñuypas kanchu.

Suma sumaq Chaska ñawi sipas,
Musquyninpin yuyaymanayta tariki,
Manan chiripas chirinchu.

Suma sumaq Chaska ñawi sipas,
Sapa achikyaypim wiqiy wichirimun
Imallapiraq rikukuni.

Suma sumaq chaska ñawi sipas,
Qaqapas ñitiwachunqa
Ichapas sunqullay rumiyanman.

Autor: Mag. Milqueades Pérez Q.

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí