MURA URQUY

0
939

Yana quwi, yana uña allqu, insinsu, uruy piminta, wira, qiwsu, waylur, sarapa qarapan, pitanata, qatqi, karka.
Merino,A. (2020) willakun mura urquymanta kayta nispa:
Chaskachaw chawpi punchawtam qallaykun unquq qampinanpaq, puntataraqmi alistan unquq hampinanpaq lliwcha mura ruwananpaq, unquqtam qalanan hinaspanmi saymakunata utqayman ruwan, kimsa horas chisinpaykuytan qallarin qampiyta, chaymi puntataqa unquqta qalanarpan pachantan hinaspan yana allquwan kurkunta umanmanta qallaykun uriwayta kachaykun, insinsuwanñataq hunpun unquqtaqa, allquta chustin makillanwan siminmanta qallaykun atakan puntankama chaypin ima unqusqantapas yachana.
Chay allquta sukiptinmi suertentapas yachakun wañunanta utaq kawsananta, alluquchata sukichkatinmi waqan llakikuyta, simichanmantam sukiyta qallaykunku chaymi umapatanta sukichkatin wañurpan chaysi chay unquq manaña unayñachu kawsan aswanqa huk wata hinallaña, sichus chay allqucha kawsarun sukisqa, sunquchallanñapas kawsarun llapan kurkun sukinankama hinaptinqa allin wataraqmi kawsakunqa.
Chaymantam chay qarapapi tukuy winasqata (llama wira, insinsu, Kika) chaywanmi unquqpa kurkunta hatun llampuwan llanpuykuspa kañaq apananpaq, allquchañataqmi chayna pitpispa wañukunña, chaytam chay hanpiq kañaq apan machayman, may karumanpas apan suqta uras chisinpaykuyta
Unquqpa ayllunñataqmi chaykama qawan, mana chay unquy apananmanta, kuskam puñuspapas achikyanku unquqninwanqa, chaymi chay qanpiqpas punkupi yana tanuwanman churaykuspa puñupakun.
¿imakunan yaykun? Allin kawsaypi kanapaq
Ø kuka
Ø miski
Ø qatqi
Ø yana quwi,
Ø yana wallpa
Ø yana allqu
Ø wayta
Ø llampu.
Tutapaynmanmi chaytaqa ruwanku, mana allin kawsaynintan urqun, puntatan llampuwan pukun kurkunta chay yana quwiwan hatun, miskikunawanpas, chaytam, qanpiq apan karuman maymanpas wikapamunanpaq, ichapas pipas mana allin kawsaniyuq tarikun, chay hampichikuqtaqa ayllukuna hawan pichqa punchawhinam mana wasinmanta lluqsinanchu.

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí