Riksichinaypaq kay llaqtapiqa ¿imakunatan ruwanku llaqtamasinchikkuna?, chaymi qallarisaq imaynan qawarikun kaquiabamba llaqta chaynaqa kay llaqtaqa ruyru iman chawpinlaw. qallariyninpi kachkan Aysaywanan, Pulluri, Olivos, Kaquiabamba hinallataq Totoral llaqtakuna chaymantaqa kachkanran huk llaqtakuna Truqawasi, Anyanisu, Marco pata, Cocairo, chaymanta Pakalla.

Chaymantataq kay llaqtapi kan suqta uchuy mayuchakuna watan watan tawa mayuchakunamanta yaku puririn chaytaq para qillakunallapi yaku puririn chay wakinnin iskay mayuchakunamanta, chayna kay uchuy mayukuna quñunakuspanku chayan rio pasaje chaykama. chaymanta kan riksisqa apukuna sutiyuq apu wakukuri hinaman kachkan apu timani.

Aysaywanmanta

Kaymanta ñan lluksin uku siwsay, kapulí pata, qichwa pampa, chuntaka lawman maypin chakrakuna kachkan ¿imakunatataq tarpunku kaypi? yaku lluqsimuqpi tarpunku palta, zapallo, caña, chirimuya, naranqa, mandarina, limón hinaman qatanlawpi mama yaku tuqllamuqpi wiñan tunaskuna hinallataq paqpapas. Aswan maypi yaku lluqsisqanpi qumirllaña pastu waka mikukunanpaq; chaypis qata lawkunaman runakuna tarpunku triquta, siwarata kawsaykunata.

Pulliri

Runakuna kaymanta kaysayninkunataqa tarpuykunankupaq ñawpaqtaqa qarpankuraq chay qarpasqankumanta iskay punchawmanta tarpuchkankuña sarata, papata, alwirqa, chaqallu. Ichaqa paray killakunapi tarpunku alfa alfata. chayrayku runakuna uywanku chitata, wakata, quwita, kuchita, wallpata.

Olivos

Kaypiqa runakuna tarpunku sarata, papata,hatun qarpayllapi ( watallapi huk tarpuy) hinaman kaypiqa uywanku achka chitata, achka wakakunata hinaspa uywankuraq achka wallpata.(kaypiqa manan achka runakuna tiyanchu chaymi uywanku achka uywakunata)

Kaquiabamaba

Kaypiqa manañan tarpunkuñachu aswanqa achka wasikunañan kachkan chaynaqa runakuna rinku qata lawkunanan tarpuq imankunatapas hinaman uywankuta apanku huk lawkunaman maypin qumir qiwa wiñaqman.

Totoral

Kaypiqa lluqsin achka yaku chaycha sumaq qumirllaña tukuy wata.

Truqawasi, Anyanisu, Marco pata, Cocairo, Pakalla.

Kay llaqtakunapiqa runakuna tarpunku paramuptin kaypiqa manan kanchu achka yakuqa. chaymi tarpunku trigo, quinua, maíz, cebada, linaza, kiwicha, uywankunataqa laymi qumirkunamanmi kachaykunku.

Apu timani

Kayman chayanaykipaqa qata anayman rinayki, kayqa sumaq hatun pampa maypin rikunki kunturta, hinallataq punchawllampi rikunki sumaq maqtariqta pulluta, ñawpaqta chaypiqa chankas runakuna wasikunata qallariyta ruwasqaku; kaymanta rikukun hatun mayu pasaje.

Apu wakukuri

Kaymanpas latanayki qatata, chaypis umanpi kachkan chakama hinallataq kapilla, kaymanmi rinku achka runakuna, kaypin puñunku kimsa punchaw. Apanku ima kawsayninkunatapas mikukunankupaq; kaymantan rikukun achka llaqtakunata.

Kaquiabamba llaqtaqa sumaq yana allpankunapi tarpunkutaq achka papakunata, huayro, peruanita, qumpis, kuliy, winqus hinaspa wiñanpunitaqmi uqa, olluku, maswapas.

Kaquiabamba punchawninpin ruwanku achka llankaykunata: raskay qarikunapaq sichus warmikuna katinqa paykunapas raskanku. Kantaq llallinakuy pipan papan hatunta wiñarun, Kanraqtaq pipan wakan achka lichita qumun, pipan quwin hatunsu, lliw kawsaykunamantapas llallinakuy kan saramanta, chuqllumanta, alwirqamanta, triqumanta, lliw rurukunamantapas. Chaymanta kan turu puklllay maypin lliw uchuy llaqtakunamanta apamunku huk turuta. Tukuy punchawninpaqmi umalliq apamun takiqkunata runakuna tusunankupaq.

Tukunapaqtaq Wata tukuy killapin, tantakunata hinallataq pukllanata qumunku warmachakunaman.

 

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí