HAMPI KAMAYUQMANTA

0
1401

Hampi kamayuq runakunaqa wasaw huchuy kiti llaqta – qusqupin tarikun.
Kay uchuy wamaniqa tarikun kay qispikanchis – qusqu wamani kamachikuyninkunapin.
Hampi kamayuq runakunaqa ñawpaq pachamantan, inkakunaq kawsasqan pachamantaraqmi kanku.
Hampi kamayuq runakunaqa kunankama kachkankuraqmi hinaspa sapa kutinmi aswan runakuna kayta qatirinku.
Runaqa mana riqsisqakunata riqsiyta munaspan lliw ima ruwaykuykunata ruwarin tiqsimuyuq muyuyninta riqsiyta hamutarin.
Wasaw hawa llaqta runakunaq paqariyninqa kuchirikuyninmi Perú suyuq allin hampi kamayuqkunan kaypi kanku. Paykunan willaq umakuna kay pachapi allin hanpi makiyuq apukunaq saminchasqa kanku llapan runakunata hanpinankupaq.
«Apu pacha tusanqa» kaymi chanincharin «pachaqa qawarikun pachamanta hinaspa tusantaq qawarikun qimiyninta».
Apuqa papitukunaq kiti paqariyninkunan, hinaspa paykunan kallpa saminchakqa akllasqa kay pachapi hanpinankupaq kanku.
Kay runakunatan illapa kuskacharan hinaspa kawsaranku chaymi paykuna hanpiy haywariqkuna hinallataq pachamamaman haywaq runakuna kanku.
Hinallataqmi, pachatusan chaypim qanchis quchakuna tarikunku, chaymanta kimsa kawsachkanku, ichaqa kay quchakunapi mana haykaqpas yaku chakinchu; ichaqa tawantin quchakunaqa parayllapin kawsarinku. Kay yakukunan unqusqa runakunata qaliyachin hinaspa llapan haywariykunapaqpas allinmi.
Pachatusanqa altumisayuqkunaq kiti paqariyninkunan wasaw – qusqu kitipin tarikun.

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí