CHUQLLUMANTA

0
82

Huk kutis wayrana llaqtapi, tayta Irmuku ancha kusikuyllawanña sarata tarpusqa kawsaynin allin qispinanpaq chaypaqsi Apu Chipawta kunakusqa rahuta aqatawan tinkaspa, kukata, pitana qapachisqa chaypis yapuy minkata rurasqaku ayllunkunawan hinallataq kumaqrinwan kumpaqrinwansi minkakusqaku saran ña allintaña parwaspa puqumuptinsi tayta Irmuku chakranpi kawsaynin qawaq risqa chaysi pisqukuna, tiwtikuna, utuskurukuna, allqukuna mikuyta qallarichkasqa ñawpamuq llullu chuqllukunata, hinaptinsi tayta Irmuku tutatutallamanta warminwan rimanakusqaku kaynata nispa; Juana ñam chuqlluqa rikurimuchkanña chaymi qanra pisqukuna, utuskurukuna, allqukuna mikuchkasqaña, warminsi kutichin kaynata, chayqa tayta Irmuku risunya manchachikkuna ruraq pachakunata mantikata mankatawan aparikusun.
Ari mamay Juana tuta tutallamantachiki risun, achikyaqtas warmi qari wasinmanta lluqsirinku chakraman chayarquspankus tayta Irmuku kaspita maskamuyta qallarin manchachita rurananpaq hinallataqsi warminpas tullpata ruraykuspa mankanta churkun llullu chuqllukunata yanunanpaq timpunankamas paypas mantikata chuqllukunapa umanman churamun utuskuru mana yaykunanpaq, chaymantas warminqa kutimuchkaspa tuparqun allqukunawan chakra ukuman yaykuykamuchkatin hinaptinsi utqayllamanña raskin pacha chuqllu yanusqanman, mankanman chaysi ruparupachkaq chuqlluta hurqurqun, hinaspas allqukunaman wischuykun chaymantas allqukunaqa rupaq rupachkaqta kachurquspanku allwa allwaykuspas raskillaña pasakusqa chaykunata rurarquspankus puqusqa niraqkunata chuqllukunata milqanpi kaq hawaskunatawan pallarqamuspankus wasinman kusi kusillaña kutikusqaku kawsayninkunata allinta qawarqamuspanku.

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí

*