YACHASUNCHIK: MANSAY, WAKA SINTAY, WAKA MARKAYTA

0
64

¿imaynatataq Máximo waka markayta rurankichik?
Waka markaymi apakun kay chakra yapuy killapi, kay punchawpaqmi ayllukuna quñunakunku, llapankumantam waka markayta rurananku, tutatutamantaraqmi qipichakunku urquta rinapaq, apankun waskakunata, mikunakunata, kukata, llamputa, traquta, aqata hinallataq pitata, kawallupim karqaspankun apanku, mankakunatapas qipiykukuspam, warakatapas aptaykukuspam rinku waka markayman.
Wasimantam lluqsinku kimsa achikyayta tusuykustin waqra pukuta waqaykachispa llapa ayllukunawan, qipiyuq rinku takiykuspa quñulla urquman, chayaruspakum apu chipawman paqapanku kukata pitata pitaykuspa hinallataq llamputa pukuykuspa traquta upyaykuspa, wakin sipaskunam hinallataq maqtakunam rinku wakakuna quñuq kawallupi ichikuspanku, warmikunañataqmi ninata rapuchinku chaypi rupaykachispa markanankupaq, wakakuna chayaramuptinmi qarikuna rin waskayuqkama hinaspam waqranmanta watuchankuhina qipallanmantam qamun qiruta rupachispa hinaspam ñitin wasaqichqanpi, wakaqa raskillañam siqaykun.
Markayta tukuruspañataqmi maqtakuna kawallukunata mansanku qawanman ichirukuspanku, wakinmi pukllanku turupukllaypi llikllata qapiruspanku, pukllachinmi kay turu pukllayman rinanpaq chaynallataqmi kawallukunapas mansu kanan qipikuna apananpaq urqupi uywakunaqa chukarullañam riki, ayllukunaqa tusuykunkun takiykunku hinaspanmi panpapi kusisqa warmakunapas kaykuchkanku. (Huaman, M. 2020).
WAKA SINTAY (Machacca, M. 2020) Ñañaymi willakun waka sintaymanta;
Waka sintaytaqa rurankun kay chakra yapuy killata, allukunam quñunaykanakuspa rinku urquta, apankun sarata, sintata pukata qilluta puka qilluta kay kimsan llinpim wakapa ninrinpi kanan apuchipawman apanku pitatawan, kukata, traquta chaynapi allin apakunanpaq kay waka sintay, wakakunapa ninrinman churanku rafiawan utaq awqawan hinaspam llapa ayllu rin qipiyuqkama qipinpim apanku caramelocunata hinallataq frutakunata, llapa warmakunapas sipaskunapas rinmi kay waka sintaymanqa.
Mayqin ayllupas ruran waka sintayta hinaspaqa ñawpaq punchawkunamantaraqmi sumaqta qipichakunku imakunatach kay waka sintay punchawpaq apana kanqa, aqatapas ruranam sintakunatapas wakakunapaq utaq chitapaq kay sintaytaqa llapam uywakunamanmi churana manam wakallamanchu.
Waqranmantam wakataqa utaq turutaqa watuchana hinaspam chakinmanta watana manachayqa manam atinkumanchu sintayta,
Sintakunaqa achka llimpikunawan: karumanta risqinapaq urqupiqa kacharisqam riki uywakunaqa kanku chaymi sintanku suti riqsiy kanampaq sichus waka yana hinatinqa yuraqwan utaq qilluwanmi sintana, pukaniraq waka utaq turu sintachikun qumirwan,rosadawan, yuraq kaninñataqmi yanawan utaq uqi sintawan sintachana; yachaqmi kan kay sinta churanapaqa yachaqqa ratum churaykun sintata ninrinman hinaspam sutinta utaq suñanku warmakunaman wakakuna mirananpaq utaq mana wañunanpaq, sintata churaruspam yuraq saramanta akuwanhinan umanman hinaspam kacharinku kaynatam apakun kay waka sinta (Machacca,M. 2020).

¿Qué opinas?

DEJA UNA RESPUESTA

Por favor ingrese su comentario!
Por favor ingrese su nombre aquí

*